D’fhógair an tÚdarás Rialála Seirbhísí Maoine foilsiú a Thuarascáil Bhliantúil don bhliain 2023. Cuirtear forbhreathnú ar ghníomhaíochtaí agus aschuir an Údaráis le linn 2023 i láthair sa tuarascáil.

Ag trácht dó ar fhoilsiú na Tuarascála Bliantúla, dúirt an tUasal Michael Quinlan, Cathaoirleach Bhord an Údaráis:

I rith 2023, lean an tÚdarás ar aghaidh ag comhlíonadh a shainchúraim reachtúil maidir le Soláthraithe Seirbhísí Maoine a rialáil. Bhí sé seo indéanta, i bpáirt, a bhuíochas do thiomantas leanúnach fhoireann an PSRA chun a chinntiú go gcuirtear tionscadail ríthábhachtacha i gcrích go tráthúil agus chun aschuir ardchaighdeáin a sheachadadh go comhsheasmhach don Údarás.

Gné lárnach de chumhachtaí rialála an Údaráis is ea an t-imscrúdú ar Sholáthróirí Seirbhísí Maoine (ceantálaithe, gníomhairí eastáit, gníomhairí ligin agus gníomhairí bainistíochta maoine) agus le linn 2023 lean an tÚdarás Rialála Seirbhísí Maoine ar aghaidh ag tabhairt faoi imscrúduithe ar iompar míchuí. Chuige seo chuir an tÚdarás os cionn 180 imscrúdú gearán i gcrích agus beagnach 300 iniúchadh comhlíonta.

I measc buaicphointí breise agus staitisticí suntasacha i dTuarascáil Bhliantúil 2023 tá:

  • Níos mó ná 1.5 milliún cuairteoir chuig an gClár Praghsanna do Mhaoin Chónaithe.
  • 5,929 iarratas ar cheadúnas (nua agus athnuachan) próiseáilte.
  • Críochnaíodh 293 imscrúdú iniúchta comhlíonta ar Sholáthróirí Seirbhísí Maoine.
  • Críochnaíodh 182 imscrúdú gearán in aghaidh Soláthraithe Seirbhíse Maoine.
  • 270 iniúchadh Frithsciúradh Airgid curtha i gcrích ag an Údarás.
  • 10,158 Tuairisceán Léasa Tráchtála foilsithe.

Ag machnamh ar ghníomhaíocht an Údaráis le linn 2023, thug Maeve Hogan Uasal, Príomhoifigeach Feidhmiúcháin an Údaráis faoi deara:

Ba í an bhliain 2023 foilsiú ceathrú Plean Straitéiseach an Údaráis a chlúdóidh an tréimhse ón 1 Meán Fómhair 2023 go dtí an 31 Lúnasa 2026, a dhéanfaidh tuilleadh comhdhlúthú agus tógáil ar a bhfuil bainte amach i bPleananna Straitéiseacha an Údaráis roimhe seo.

Leanann an tÚdarás ag úsáid a chumhachtaí reachtúla, de réir mar is gá, chun cosaint tomhaltóirí agus gairmiúlacht leanúnach na hearnála seirbhísí réadmhaoine a chinntiú.

Tá Tuarascáil Bhliantúil 2023 ar fáil ag www.psr.ie

Samhain 2024

– CRÍOCH –