Cúlra an Údaráis Rialála Seirbhísí Maoine

Bunaíodh an tÚdarás Rialála Seirbhísí Maoine (PSRA) an 3 Aibreán 2012 de bhun an Achta um Sheirbhísí Maoine (Rialáil) 2011 (an tAcht) agus is é an comhlacht reachtúil atá freagrach as an earnáil seirbhísí maoine in Éirinn a cheadúnú agus a rialáil.

Forálann an tAcht a bhunaigh an PSRA do cheadúnú roinnt catagóirí de Sholáthraithe Seirbhísí Réadmhaoine, eadhon:

  • Ceantálaithe : Daoine atá ag gabháil do cheant maoine seachas talamh (Catagóir ceadúnais A)

  • Gníomhairí Eastát : Daoine atá ag gabháil do cheannach nó díol talún trí mhodh ar bith (Catagóir Ceadúnais B)

  • Gníomhairí Ligin : Daoine atá ag gabháil do ligean talún (Catagóir Cheadúnais C)

  • Gníomhairí Bainistíochta : Daoine atá ag gabháil do sholáthar seirbhísí bainistíochta réadmhaoine thar ceann Comhlachtaí Bainistíochta (Catagóir Cheadúnais D).

Feidhmeanna an PSRA

Áirítear le sainchúram an PSRA:

  • Córas ceadúnaithe cuimsitheach a oibriú a chlúdaíonn gach Soláthraí Seirbhísí Maoine

  • Córas imscrúdaithe agus breithnithe ar ghearáin i gcoinne Soláthróirí Seirbhísí Maoine a riar

  • Cosaint mhéadaithe do thomhaltóirí agus feasacht phoiblí a chur chun cinn maidir le soláthar seirbhísí réadmhaoine

  • Ciste Cúitimh a chothabháil agus a riaradh

  • Trí Chlár Poiblí a choinneáil – an Clár Praghsanna do Mhaoin Chónaithe, Clár na Léasanna Tráchtála agus Clár na Soláthraithe Ceadúnaithe Seirbhísí Maoine.

Nuashonraíodh an leathanach seo an 29 Iúil 2022