Is dualgas leanúnach é Forbairt Ghairmiúil Leanúnach (CPD) do cheadúnaithe tabhairt faoi oideachas agus oiliúint chun críche inniúlacht ghairmiúil a chothabháil. Ní mór do gach ceadúnaí íosmhéid de 5 huaire infhíoraithe d'oideachas foirmiúil CPD an PSRA a dhéanamh i ngach bliain féilire .
Bhronn an PSRA seachadadh an chláir seo ar thrí chomhlacht creidiúnaithe, Institiúid na gCeantálaithe agus na Luachálaithe Gairmiúla (IPAV), Gnóthaí Poiblí Éireann (PAI) agus Cumann Suirbhéirí Cairte na hÉireann (SCSI) de bhun próisis tairisceana. Tá IPAV, PAI agus SCSI ag seachadadh clár CPD PSRA do gach ceadúnaí, beag beann ar cibé an ball de na comhlachtaí seo thú nó cleamhnaithe leo.
Foráiltear le tosach feidhme na Rialachán um SEIRBHÍSÍ MAOINE (RIALÁIL) 2011 (INNIÚLACHT GHAIRMIÚIL CEADÚNAIS A CHOTHABHÁIL) (LEASÚ) 2020 gur féidir gach 5 huaire de CPD éigeantach PSRA a chomhlánú ar líne.
Chun ceisteanna a bhaineann le fíorú do CPD PSRA a bheith críochnaithe agat a sheachaint, cinntigh le do thoil, agus tú ag clárú, go gcuireann tú d’uimhir cheadúnais PSRA isteach díreach mar atá le feiceáil ar do chárta ceadúnais PSRA.
Nuair a bheidh do riachtanas CPD PSRA comhlánaithe agat, gheobhaidh tú Deimhniú Críochnaithe CPD PSRA ó do sholáthraí CPD. Ní gá duit an deimhniú seo a chur faoi bhráid an PSRA, ach amháin má iarrann an tÚdarás ort é sin a dhéanamh. Ba cheart duit, áfach, do dheimhniú a choinneáil i gcomhad ar feadh 4 bliana, mar, tráth iniúchta ag an PSRA, go n-iarrfar Deimhnithe Críochnaithe do na ceithre thimthriall CPD roimhe seo. Is ortsa atá an fhreagracht na Deimhnithe Críochnaithe cuí a sholáthar má éilíonn an PSRA é sin a dhéanamh.
